6. kago “aastaak” mhoTTa dukku meni sangiriyo? #‎KURAL 370

#KURAL 370 லெகு3த்தாம் மொன்னும் அவெ குறள்

#KROM 6. kago “aastaak” mhoTTa dukku meni sangiriyo?
(Why is “desire” mentioned as the worst pain?)  ‪#‎KURAL 370
----
kago “aastaak” mhoTTa dukku meni sangiriyo? tellegakkin DEV jOl phiri jaatta kaai sambandham? Emullaa kuRaLum sangiriya pEraanandam oNTego abbeter, tena moreter kaai hoi?
----
aastaan mULsera suTTa lentu, khobbimUs tellego pUraNangan tirupti keraanaa. oNTe aastha anguNTe hoi, isani variisegan avlEt rhaai; nhee jiyet, thelle aastho raagu, pojjaaLu meni dusro najje guNNunkan machaai.

jatho, oNTe oNTe aasthaaku thelle anubhavinchata oNTe karuvi paje. udaaraNamuk, kaithee indiriya sugamuk aasthaan rhiyedi, thelle indiriyamun sero sEthe onTe aangu thellE sugamun anubhavincato paje. thego kurichi, aastaan rhaalentu thelle anubhavincatho phivri phivri mori, ujilEtUs rhavvaai. thisani hoyet, khobbimiS suTTi janaata oNTe pEraananda sukam saaddiyam hOnaa.

elle phivri ujvatak kaaraNo hoye aastaanuk kOn oNTenu soDaraski, thenko thyevaLus (meniku aangum rhaathavELUS) mukti pondaiyaai. elle madiri mukti pondariyet thenko “Jeevan Muktarnu” meni menariyo! thye phalcchaaduk phivri mori ujvate kaam nhee! avre VaLLuvar dEvun avnko isani Urjitam diiraas:

ஆரா இயற்கை அவா நீப்பின் அந்நிலையே 
பேரா இயற்கை தரும்.

"Aaraa iyaRkai avaa neeppin annilaiyE
pEraa iyaRkai tharum.”

(aaraa = aaraada = tirupti kerata musunaate; pEraa = peyaraada = marcchanaate)
----
(appaaDaa... mogo ruvva sendEv hodeyo: pEraanandam abbiDi oNTena mojjo menet, thelle kere
kaam virtaak hoyaaygaa meni; VaLLuvar dEvun Urjitam deeriya thelle sendEv thirchitiyo. serkos, kOnak aasto “ujvato” kaaraNagan hOriyO? aski vidha aastaan najjayeyaa? thisani menet, kago isani aastho poDetha maadiri DEV avnko utpatti keririyo?
…
serkos, daanu, mogo meLi elle sendEv hodeyos! VaLLuvar dEvun aasto patti kaai sangaraas meni aDuttu siyengo...)
----
#PHD
Jai Gurudev! AUM!
http://soukromphd.blogspot.com